汉奸黎不顾疫情搅局　李汉奸等戴罩现身

新冠肺炎杀到香港，确诊人数持续增加，人心惶惶下个个都减少外出同埋聚会。不过被内地官媒炮轰为“叛国祸港四人帮”之首嘅“汉奸黎”壹传媒黎智英，似乎就懒理疫情严峻，由外地返回香港后，今日(8日)就喺其寓所搅局，密会同为“叛国祸港四人帮”成员、有“李汉奸”之称嘅民主党(白鸽党)创党主席李柱铭，以及因违法占领行动(占中)案被判囚8个月、缓刑2年嘅白鸽党前主席李永达等。睇嚟汉奸黎真系唔识死喇。

汉奸黎本月2日先喺香港国际机场搭飞机离港，返抵香港后，今日就喺其何文田寓所搅局。中午12时许，李汉奸、李永达、白鸽党前主席何俊仁(AV仁)、该党议员林卓廷、因违法占中案被判囚8个月嘅社民连副主席黄浩铭，同埋曾将汉奸黎嘅秘密捐款“袋住先”长达9个月嘅工党前议员李卓人一行6人，就乘坐由汉奸黎司机驾驶嘅7人车抵达黎宅。众人都有戴上口罩，抵达后就匆忙落车，步入黎宅。

李汉奸等人喺黎宅逗留约3个小时，先至喺下午3时许一同乘搭汉奸黎司机驾驶嘅7人车离开，不过此时李汉奸已冇戴口罩。李永达、林卓廷、黄浩铭同李卓人于7人车抵达旺角警署后落车自行离开，李汉奸同AV仁就继续乘车离去。

查实汉奸黎今个月初、新冠肺炎已经袭港嘅时候，都肆无忌惮咁戴住口罩都要同屋企人去尖沙咀叹日本菜，之后亦曾到潮州菜馆大快朵颐再离港外出，依家佢又再喺自己寓所搅局，唔通佢真系唔怕中招感染病毒？